Meistaradeildin fer af stað á morgun

Riðlakeppni Meistaradeildar Evrópu fer af stað á morgun. Titilvörn Manchester City hefst gegn Rauðu stjörnunni frá Belgrad.

Manchester United hefur leik á því að heimsækja Þýskalandsmeistara Bayern München. Orri Steinn Óskarsson og félagar í FC Kaupmannahöfn eru í sama riðli en Orri er eini Íslendingurinn í keppninni. FCK heimsækir Galatasaray á miðvikudag.

Newcastle er í rosalegum F-riðli ásamt Paris St-Germain, AC Milan og Borussia Dortmund.

Riðlakeppninni lýkur í desember en úrslitaleikurinn verður á Wembley þann 1. júní.