Leikur Liverpool og Manchester United sem fór fram á sunnudaginn síðastliðinn bætti met í áhorfi á sjónvarpi og hafa aldrei áður jafn margir horft á leik í ensku úrvalsdeildinni.
Leiknum lauk með markalausu jafntefli og því stóðst leikurinn ekki alveg þær væntingar sem gerðar voru til hans.
Þetta var hins vegar stærsti leikur í sögu ensku úrvalsdeildarinnar þegar kemur að áhorfi. 4,8 milljónir manns í Englandi horfðu á leikinn en hann var sýndur í beinni útsendingu á Sky Sports.
Leikurinn sem átti áður þetta met var nágrannaslagur Manchester City og Manchester United árið 2012 en þá voru liðin að berjast um titilinn. Rúmlegar fjórar milljónir horfðu á þann leik.
Útgöngubann er í gangi á Englandi vegna kóróna veirunnar.
Athugasemdir