Leikmenn Manchester United hafa ákveðið að slaufa lokahófi félagsins vegna frammistöðunnar á tímabilinu en þetta segir David McDonnell á Mirror.
United hefur haldið lokahóf á hverju ári síðasta áratuginn þar sem leikmaður ársins er valinn og þá eru fjöldi verðlauna veitt fyrir góða frammistöðu á tímabilinu.
Lokahófið hefur ekki verið haldið síðustu tvö ár vegna Covid en það átti að fara fram á þessu ári.
Samkvæmt McDonnell þá báðust leikmenn undan að halda lokahófið í ár og kemur þar fram að þeir skammist sín fyrir frammistöðuna á tímabilinu.
Félagið mun samt sem áður veita verðlaunin en með öðrum hætti.
United mun ekki spila í Meistaradeildinni á næstu leiktíð en liðið situr í 6. sæti deildarinnar. Það gæti jafnvel farið svo að liðið spili í Sambandsdeildinni en til þess þyrfti liðið að tapa fyrir Crystal Palace og West Ham yrði þá að vinna sinn leik.
Erik ten Hag, nýr stjóri Man Utd, verður á Selhurst Park, en hann tekur formlega við starfinu þegar tímabilinu lýkur.
Athugasemdir