Inter er búið að staðfesta kaup á sóknarmanninum efnilega Andrea Pinamonti sem átti aðeins eitt ár eftir af samningi sínum við Genoa.
Pinamonti er 21 árs gamall og var keyptur til Genoa í fyrra eftir að hafa alist upp hjá Inter. Hann skrifaði aðeins undir tveggja ára samning við Genoa og skoraði sjö mörk í 28 leikjum.
Pinamonti þótti lengi vel eitt mesta efni Ítala og á hvorki meira né minna en 73 keppnisleiki að baki fyrir yngri landslið Ítalíu, án þess að hafa spilað fyrir aðalliðið.
Kaupverðið er talið nema 8 milljónum evra og er Pinamonti talinn fá tvær milljónir evra í árslaun eftir skatt hjá Inter.
Athugasemdir
