Ísland 1 - 0 El Salvador
1-0 Kjartan Henry Finnbogason ('63)
1-0 Kjartan Henry Finnbogason ('63)
Íslenska landsliðið fer frá Kalíforníu í Bandaríkjunum með tvo sigra á bakinu, gegn Kanada og El Salvador. Liðið bar sigur úr býtum gegn El Salvador í leik sem var að klárast núna.
Strákarnir lögðu Kanada að velli síðasta fimmtudag, en fyrir leikinn gegn El Salvador gerðu landsliðsþjálfararnir átta breytingar. Aðeins Hannes Þór Halldórsson, Kári Árnason og Kjartan Henry Finnbogason héldu sæti sínu í byrjunarliðinu.
Staðan var markalaus í hálfleik, en á 63. mínútu kom fyrsta mark leiksins og var það Íslendinga. Kjartan Henry Finnbogason, sóknarmaður Vejle í Danmörku, kom þá boltanum í netið.
Það reyndist eina mark leiksins og sigur Íslands því staðreynd. Niðurstaðan tveir 1-0 sigrar í þessu janúarverkefni.
Pablo Punyed, leikmaður KR, spilaði allan leikinn fyrir El Salvador.
Næsta landsliðsverkefni Íslands er í mars. Þá tökum við þátt í umspili fyrir úrslitakeppni EM 2020. Ísland mætir Rúmeníu á Laugardalsvelli í undanúrslitunum.
1-0 Ísland! Kjartan Henry Finnbogason skorar fyrsta mark leiksins eftir 63 mínútna leik!
— Knattspyrnusambandið (@footballiceland) January 20, 2020
Iceland take the lead on 63 minutes! pic.twitter.com/ZzflpivHMD
Athugasemdir