Það er mikil pressa á Antonio Conte en nýjustu fregnir segja að hann verði rekinn frá Tottenham á næstu dögum.
Conte hraunaði yfir leikmenn liðsins eftir 3-3 jafntefli gegn Southampton um helgina og eftir það hafi Daniel Levy, stjórnarformaður Tottenham fundað stíft með Conte.
Breskir fjölmiðlar greina nú frá því að samkvæmt heimildarmönnum innan félagsins ætli Levy að reka Conte á meðan á landsleikjahléinu stendur.
Markmiðið sé að ráða reyndan atvinnulausan stjóra en þar koma til greina m.a. Luis Enrique og Thomas Tuchel. Þá hefur Mauricio Pochettino fyrrum stjóri félagsins verið orðaður við endurkomu.
Athugasemdir