Vincenzo Montella.
Fyrrum ítalski landsliðsmaðurinn Vincenzo Montella verður næsti landsliðsþjálfari Tyrklands.
Þetta kemur fram í fjölmiðlum þar í landi í dag.
Þetta kemur fram í fjölmiðlum þar í landi í dag.
Stefan Kuntz var í dag látinn fara úr starfi landsliðsþjálfara og mun Montella koma inn í staðinn fyrir hann. Það er búist við því að hinn 49 ára gamli Montella muni skrifa undir þriggja ára samning.
Vonast er til að Montella muni stýra Tyrklandi í lokakeppni EM 2024 og á HM 2026.
Montella var goðsögn sem leikmaður hjá Roma en eftir að leikmannaferlinum lauk þá hefur hann stýrt Fiorentina, Sampdoria, AC Milan, Sevilla og nú síðast Adana Demirspor í Tyrklandi.
Þetta verður hans fyrsta starf sem landsliðsþjálfari.
Athugasemdir
