Eiður Smári: Tottenham ætti alltaf að berjast um topp fjóra

Eiður Smári Guðjohnsen tjáði sig um ráðningu Jose Mourinho til Tottenham í viðtali á Sky í dag.

Eiður spilaði undir stjórn Mourinho hjá Chelsea á sínum tíma og þekkir Portúgalann vel.

„Ég hef mikla virðingu fyrir manninum því hann tók okkur á næsta stig hjá Chelsea," sagði Eiður en hann spilaði einnig með Tottenham á ferli sínum.

„Þetta er stór áskorun fyrir hann því það er erfitt að komast á meðal þeirra bestu en Tottenham ætti alltaf að berjast um topp fjóra."