Patrick Bamford, sóknarmaður Leeds, var ósáttur eftir 1-0 tap gegn Úlfunum á föstudagskvöld.
Honum fannst Leeds verðskulda stig í leiknum og gekk hann svo langt að segja að Leedsarar hefðu verið „rændir" stigi.
Bamford skoraði og jafnaði metin en markið var dæmt af vegna rangstöðu. Flaggið fór á loft og var myndbandsdómarinn, VAR, sammála.
Þetta var afar tæpt en sóknarmenn fá ekki mikið að njóta vafans á Englandi þegar kemur að rangstöðu.
„Við vorum rændir stigi," sagði Bamford og bætti við kaldhæðnislega: „En að minnsta kosti er þetta að gera leikinn betri."
Bamford hefur átt frábært tímabil fyrir Leeds sem er í 12. sæti ensku úrvalsdeildarinnar.
Gutted for the lads tonight, robbed of a point 🥴 but at least it’s “mAkInG tHe GaMe BeTtEr”🧐 we go again Tuesday #mot
— Patrick Bamford (@Patrick_Bamford) February 19, 2021
Athugasemdir