Heimild: KFÍA
Geir Þorsteinsson, fyrrum formaður KSÍ, hefur verið ráðinn sem framkvæmdastjóri knattspyrnufélagsins ÍA á Akranesi.
Geir býr yfir gríðarlega mikilli reynslu úr íslenska boltanum og starfaði áður sem framkvæmdastjóri KR auk þess að hafa starfað sem þjálfari yngri flokka og dómari.
Geir var framkvæmdastjóri KSÍ í tíu ár og formaður í tíu ár, frá 1997 til 2017, auk þess að hafa setið í ýmsum nefndum fyrir UEFA og FIFA.
„Eftir áhugaverð störf að knattspyrnumálum utan Íslands er gott að vera kominn aftur í íslenska boltann. Knattspyrnufélag ÍA er leiðandi félag í íslenskri knattspyrnu sem stefnir á toppinn. Ég hlakka til að takast á við krefjandi áskoranir í góðu samtarfi við félagsmenn og stuðningsmenn ÍA," sagði Geir Þorsteinsson um þessa nýju áskorun í viðtali við vefsíðu KFÍA.
Geir tekur við af Sigurði Þór Sigursteinssyni og óskar KFÍA honum alls hins besta á nýjum vettvangi.
Athugasemdir