Chong er samningsbundinn Manchester United og kom hann við sögu í nokkrum leikjum með aðalliðinu á þessu tímabili.

Chong er 19 ára gamall en sagt er í grein SDNA að ekki sé búist við því að Olympiakos sé eina félagið sem hafi áhuga á honum.

Chong kom til Manchester United frá Feyenoord árið 2016. Hann hefur spilað vel með unglingaliðum United og lék hann sinn fyrsta keppnisleik með aðalliðinu í janúar á þessu ári þegar hann kom inn á sem varamaður í 2-0 sigri á Reading í FA-bikarnum.

Á dögunum var hann valinn besti leikmaður U23 liðs United á tímabilinu.