Manchester City hefur gert fyrsta tilboð í enska sóknarmanninn Harry Kane hjá Tottenham en það hljóðar upp á 100 milljónir punda. Búist er við því að tilboðinu verði hafnað.
City er opið fyrir því að bjóða Tottenham einhverja leikmenn sem hluta af samkomulagi. Raheem Sterling, Aymeric Laporte og Gabriel Jesus hafa þar verið nefndir sem mögulegir kostir.
City er opið fyrir því að bjóða Tottenham einhverja leikmenn sem hluta af samkomulagi. Raheem Sterling, Aymeric Laporte og Gabriel Jesus hafa þar verið nefndir sem mögulegir kostir.
Kane vill takast á við nýja áskorun á sínum ferli en hann hefur ekki náð að vinna titil með Tottenham og Pep Guardiola, stjóri City, er með leikmanninn efstan á sínum óskalista.
Sagt er að Tottenham sé með 120 milljóna punda verðmiða á Kane en leikmaðurinn telur sig vera með heiðursmannasamkomulag við Daniel Levy stjórnarformann um að vera seldur í sumar.
Kane er með enska landsliðinu á EM og segir að vangaveltur um framtíð sína hafi engin áhrif á mótið.
Enn er óvíst hver tekur við Tottenham fyrir næsta tímabil.
Athugasemdir