Blind og Rashford spiluðu á sínum tíma saman hjá Man Utd og eru enn í dag góðir félagar.

Hinn 24 ára gamli Rashford átti skelfilegt tímabil og skoraði aðeins 5 mörk í 32 leikjum. Hann var á köflum alveg ævintýralega lélegur.

Hann hefur verið orðaður við önnur félög í sumar en samkvæmt Goal er hann núna spenntur fyrir því að vera áfram hjá United og vinna undir stjórn Erik ten Hag sem er tekinn við liðinu.

Fram kemur í greininni að Rashford hafi rætt við Blind og sé eftir það spjall mjög spenntur fyrir því að vinna með Ten Hag, en Blind hefur síðustu ár leikið undir stjórn Ten Hag hjá Ajax.