Eins og greint hefur verið frá er Eberechi Eze ekki í leikmannahópi Crystal Palace sem tekur á móti Fredrikstad í forkeppni fyrir deildakeppni Sambandsdeildarinnar í kvöld.
Eze er ekki með því hann er á leið til Arsenal á næstu dögum fyrir 67,5 milljónir punda.
Marc Guéhi fyrirliði Palace er þó í byrjunarliðinu þrátt fyrir háværa orðróma um félagaskipti til Liverpool.
Guéhi, sem á aðeins eitt ár eftir af samningi, er talinn vera falur fyrir um 40 til 50 milljónir punda.
Oliver Glasner þjálfari gerir þrjár breytingar á byrjunarliði Palace sem gerði markalaust jafntefli við Chelsea í fyrstu umferð ensku úrvalsdeildarinnar um helgina.
Jefferson Lerma, Borna Sosa og Justin Devenny koma inn í byrjunarliðið. Chris Richards og Tyrick Mitchell setjast á bekkinn.
Crystal Palace: Henderson, Lerma, Lacroix, Guehi, Munoz, Sosa, Wharton, Hughes, Devenny, Sarr, Mateta
Varamenn: Benitez, Cardines, Clyne, Edouard, Esse, Matthews, Mitchell, Rak-Sakyi, Richards
21.08.2025 17:13
Eze ekki með í kvöld
Athugasemdir
