Óttar er á leið til Ítalíu.
Sóknarmaðurinn Óttar Magnús Karlsson er á leið til Venezia á Ítalíu.
Fótbolti.net sagði frá þessu fyrir viku síðan. Óttar verður annar Íslendingurinn í herbúðum Venezia en Bjarki Steinn Bjarkason samdi nýlega við félagið.
Víkingur er þessa stundina að spila við HK í Pepsi Max-deildinni. Vallarþulurinn á heimavelli hamingjunnar sagði áður en leikurinn hófst að um væri að ræða síðasta heimaleik Óttars með Víkingum í bili.
„Hér rétt áður en að Egill flautaði leikinn á staðfesti lýsirinn á Víkingsvellinum að þetta sé síðasti heimaleikur Óttars Magnúsar fyrir Víking. Hann er á leið til Venezia á Ítalíu. Risa fréttir," skrifaði Kristófer Jónsson í beinni textalýsingu.
Óttar var í yngri flokkum Víkings áður en hann fór ungur til Ajax í Hollandi. Hann spilaði með Víkingi sumarið 2016 áður en hann fór til Molde í Noregi og síðan Trelleborgs og Mjallby í Svíþjóð. Hann gekk síðan aftur til liðs við Víking um mitt sumar í fyrra.
Hann hefur verið mjög flottur fyrir Víkinga og skorað 14 mörk í 21 leik í deild og bikar frá því hann kom í fyrra.
Textalýsinguna frá leiknum má nálgast hérna.
Athugasemdir
