Þeir Joe Gomez og Fabinho eru í miðverði hjá Liverpool í kvöld. Virgil van Dijk er ekki með þar sem hann meiddist alvarlega í leik gegn Everton um síðustu helgi.

Fjölmiðlamaðurinn David Ornstein, sem starfar fyrir The Athletic, segir að meiðslin séu mögulega alvarlegri en talið var í fyrstu.

„Samkvæmt mínum upplýsingum, og ég legg áherslu á að það eru mínar upplýsingar og ekkert opinbert, að þá eru hnémeiðsli Virgil van Dijk alvarlegri en óttast var í fyrstu," segir Ornstein sem býst ekki við því að sjá Van Dijk aftur á vellinum á þessu tímabili.

Það er mikið áfall fyrir Liverpool að missa Van Dijk sem er einn allra besti varnarmaður í heimi.