Portúgalski fótboltamaðurinn Cristiano Ronaldo vill fá spænska landsliðsþjálfarann Luis Enrique til Manchester United en það er Sky Sports sem greinir frá.
United er í leit að nýjum stjóra eftir að félagið rak Ole Gunnar Solskjær í dag.
Michael Carrick tekur tímabundið við á meðan félagið leitar að bráðabirgðastjóra út tímabilið.
Samkvæmt Sky Sports þá vill Cristiano Ronaldo fá Luis Enrique, þjálfara spænska landsliðsins, til að taka við keflinu af Solskjær.
Enrique hefur þjálfað landsliðið síðustu tvö ár en þar á undan þjálfaði hann Barcelona, Roma og Celta.
Hann vann þrennuna með Barcelona tímabilið 2014-2015 og samtals níu titla á þremur árum.
Athugasemdir