Búið er að aflýsa öllum leikjum spænska boltans og því ákváðu leikmenn og félög að halda 20-liða FIFA mót, þar sem hvert félag sendi einn fulltrúa til leiks.

Barcelona sendi Sergi Roberto á meðan Real Mallorca valdi Alejandro Pozo sem fulltrúa sinn. Hvorugur þeirra fær þó að taka þátt í mótinu vegna þess að knattspyrnufélögin eru með styrktarsamninga við Konami, framleiðendur PES leikjanna.

Þetta hefur farið illa í marga fótboltaaðdáendur enda er þetta mót partur af mikilvægu átaki og söfnun til að berjast gegn kórónuveirunni á Spáni. Átakið snýst um að hvetja fólk til að finna sér eitthvað að gera heima frekar en að fara út og auka þannig útbreiðslumöguleika veirunnar.

Mótið er í fullum gangi þessa helgi og fóru 16-liða úrslitin fram í gær. 8-liða úrslitin verða spiluð í dag.