Spænska deildin er í pásu vegna kórónuveirunnar en leikmenn taka þátt í átaki sem miðar að því að hvetja almenning til að halda sig heima á meðan heimsfaraldurinn líður hjá.
Átakið felst í því að hvert lið deildarinnar sendir einn fulltrúa til að taka þátt í FIFA móti.
16-liða úrslitin fóru fram í gærkvöldi og í dag verða 8-liða úrslitin spiluð.
Marco Asensio spilar fyrir hönd Real Madrid og er kominn áfram í næstu umferð, rétt eins og Marcos Llorente sem spilar fyrir Atletico Madrid.
Llorente var undir gegn Adnan Januzaj (Real Sociedad) en náði magnaðri endurkomu og vann að lokum 5-3.
Borja Iglesias, sóknarmaður Real Betis, gjörsamlega rúllaði yfir Jason Remeseiro leikmann Getafe og vann 7-1.
Liðin sem eru komin áfram:
Leganes
Alaves
Athletic Bilbao
Atletico Madrid
Real Betis
Villarreal
Real Madrid
Eibar
Athugasemdir
