mið 22. maí 2019 10:30
Elvar Geir Magnússon
Brasilískur sóknarmaður orðaður við Man Utd
Pedro (til vinstri) fagnar marki.
Pedro (til vinstri) fagnar marki.
Mynd: Getty Images
Manchester United er sagt hafa rætt við brasilíska félagið Fluminese um Pedro, 21 árs sóknarmann félagsins.

Pedro var orðaður við Real Madrid á síðasta ári en meiddist svo illa á hné og þurfti að fara í aðgerð.

Hann er kominn aftur á fulla ferð og hefur skorað tvö mörk í sex leikjum.

Inter, Atalanta og Bordeaux hafa einnig verið með augastað á Pedro sem átti að spila sinn fyrsta leik fyrir brasilíska landsliðið í fyrra, áður en hann meiddist.

Manchester United ræðir við Dybala
Það eru ýmsar sögur í gangi varðandi Manchester United en Ole Gunnar Solskjær vill endurnýjun í leikmannahópnum. Tuttosport á ítalíu segir að United hafi verið að ræða við Paulo Dybala, leikmann Juventus, síðustu fjórar vikur.

Þessi 25 ára Argentínumaður hefur verið orðaður við brottför frá Juventus í nokkurn tíma.
Athugasemdir
banner
banner