Leikið verður á Puskas Arena 2026.
Annan laugardag mætast Borussia Dortmund og Real Madrid í úrslitaleik Meistaradeildarinnar á Wembley leikvangnum í Lundúnum. Á næsta ári verður úrslitaleikurinn á á Allianz Arena í München.
Framkvæmdastjórn UEFA fundaði í dag og ákvað að úrslitaleikurinn 2026 verði í Puskas Arena í Búdapest, Ungverjalandi. Þá er stefnt á að spila úrslitaleikinn 2027 í Mílanó en með þeim fyrirvara að endurbætur á San Siro leikvangnum verði tryggðar.
Framkvæmdastjórn UEFA fundaði í dag og ákvað að úrslitaleikurinn 2026 verði í Puskas Arena í Búdapest, Ungverjalandi. Þá er stefnt á að spila úrslitaleikinn 2027 í Mílanó en með þeim fyrirvara að endurbætur á San Siro leikvangnum verði tryggðar.
Tveir úrslitaleikir á Besiktas Park í Istanbúl
Í kvöld leika Atalanta og Bayer Leverkusen til úrslita í Evrópudeildinni á Aviva leikvangnum í Dyflinni en úrslitaleikurinn á næsta ári verður í Bilbao á Spáni.
Ákveðið hefur verið að úrslitaleikurinn 2026 verði á Besiktas Park í Istanbúl og ári síðar verður leikið í Frankfurt.
Í Sambandsdeildinni verður úrslitaleikur Olympiakos og Fiorentina á heimavelli AEK Aþenu í næstu viku. Úrslitaleikur keppninnar að ári verður í Wroclaw í Póllandi.
Úrslitaleikur Sambandsdeildarinnar 2026 verður á RB Arena í Leipzig og ári síðar verður svo leikið á Besiktas Park í Tyrklandi.
Athugasemdir
