„Ég beið auðvitað bara eftir Hollywood endinum sem ég hef er búinn að upplifa svo oft hérna á Auto Park. Sigurmark í lokin, það hefði verið svona Hollywood endir," sagði Sigurvin Ólafsson, fráfarandi þjálfari KV eftir 1-1 jafntefli við Þrótt Vogum.
Lestu um leikinn: KV 1 - 1 Þróttur V.
Sigurvin vildi þakka leikmönnum sínum fyrir þann tíma og þann árangur sem náðst hefur á hans tíma með liðið.
„Þessir leikmenn gerðu þetta, kreditið á þá að ná þessum árangri. Það er ekki það langt síðan ég spilaði sjálfur fótbolta og það fór oft í taugarnar á mér þegar þjálfarar tóku kreditið. Þeir spörkuðu ekki í boltann. Þessir leikmenn, stór hluti af þeim hefur haldist öll þessu ár, annað hvort komið til baka eða verið allan tímann. Þetta fleytti þeim upp um tvær deildir, þessi samvinna þeirra og mín. Og fleytir mér auðvitað bara líka á kortið."
„Nei auðvitað ekki, þegar ég tek við þá var okkur spá neðsta sæti í 3.deild og KV bara á leiðinni að detta úr deildarkeppni afþví það vantaði bara mannskap og stemmingu. Fyrri bylgjan var búin, okkur tókst bara að reisa nýja bylgju. Það tók alveg smá tíma. Enduðum í 6. sæti fyrsta árið svo í toppbaráttu á ári tvö. Svo tökum við tvær deildir í röð eftir það," sagði Sigurvin.
Viðtalið er í heild sinni í spilaranum fyrir ofan.
