Miðjumaðurinn efnilegi Nicolò Zaniolo er frá út tímabilið eftir að hafa slitið krossband og þá er Henrikh Mkhitaryan tæpur en hann hefur verið að glíma við meiðsli stærstan hluta tímabilsins. Javier Pastore er einnig frá vegna meiðsla.

Allir miðjumenn Roma, að undanskildum Jordan Veretout, hafa orðið fyrir meiðslum á tímabilinu. Kantmenn liðsins hafa einnig verið mikið frá sem og bakverðir.

Talið er að Diawara verði frá í þrjá mánuði vegna meiðslanna. Hann er aðeins 22 ára gamall og hefur sinnt lykilhlutverki eftir að hafa komið til baka úr meiðslum í nóvember.

Þrátt fyrir öll þessi vandræði er Roma í fjórða sæti ítölsku deildarinnar sem stendur, sjö stigum frá Lazio í þriðja sæti.