Jhon Duran, framherji Aston Villa, er gríðarlega eftirsóttur en West Ham hefur reynt að næla í hann án árangurs.
Thee Telegraph greindi frá því í dag að Al-Nassr hafi áhuga á honum og er meðvitað um að Aston Villa vilji fá um 80 milljónir punda fyrir hann.
Franski miðillinn Foot Mercato greinir nú frá því að Real Madrid hafi einnig áhuga á honum ásamt PSG.
Duran er 21 árs gamall kólumbískur framherji. Hann hefur verið í skugganum á Ollie Watkins og heefur ekki fengið marga sénsa í byrjunarliðinu en hann hefur komið við sögu í 19 leikjum í úrvalsdeildinni, oftast sem varamaður, á þessari leiktíð og skorað sjö mörk.
Hann gekk til liðs við Villa frá Chicago Fire fyrir tveimur árum og hefur leikið 77 leiki og skorað 20 mörk.
Athugasemdir
