Renato Punyed er genginn í raðir ÍR í Lengjudeild karla en hann kemur til liðsins frá Ægi.
Renato á að baki 59 leiki og 6 mörk en ásamt Ægi hefur hann einnig spilað fyrir ÍR áður og þá á hann einn deildarleik að baki með ÍBV í efstu deild.
Hann er miðjumaður og eldri bróðir hans er Pablo Punyed sem leikur með Íslands- og bikarmeisturunum í Víkingi.
Renato spilaði nítján leiki með Ægi í Lengjudeildinni á síðustu leiktíð en liðið féll þá úr henni og mun því spila í 2. deildinni þetta sumarið.
ÍR lenti í öðru sæti í 2. deild á síðustu leiktíð og því mun Renato taka aftur slaginn í næstefstu deild en nú með ÍR.
Athugasemdir
