Real Madrid var ekki lengur í baráttu um spænsku deildina en liðið var enn í Meistaradeildinni og var í góðum séns á að komast í úrslitaleikinn.

Hinn afar ungi og efnilegi varnarmaður Manu Hernando hafði æft með aðalliðinu yfir tímabilið en það var eitt atvik á æfingu sem varð til þess að hann fékk ekki að æfa aftur með liðinu.

Hann var þá í baráttu við Cristiano Ronaldo á æfingu og mætti of seint í tæklingu. Ronaldo var ekki sáttur og Hernando baðst afsökunar en hann fékk ekki að æfa aftur með aðalliðinu.

Ronaldo fór til Juventus sumarið 2018 og Hernando fór ekki með Real Madrid í æfingaferð um sumarið, þó vegna meiðsla, en í dag er hann á láni hjá Racing Santander í spænsku B-deildinni.