2. deild: KFG tapaði óvænt á Höfn

Sindri vann óvæntan, 1-0, sigur á KFG í 2. deild karla er liðin mættust á Höfn í Hornafirði í dag.

Hilmar Þór Kárason skoraði sigurmark Sindra eftir fjórar mínútur og þar við sat.

Þetta voru heldur óvænt úrslit í ljósi þess að Sindri var á botninum á meðan KFG deilir toppsætinu með Víking Ó.

Þetta var aðeins annar sigur Sindra sem komst upp úr fallsæti og er nú með 8 stig í 9. sæti. KFG er í öðru sæti með 16 stig.