Tveir leikmenn Benfica komust gegn einum varnarmanni Börsunga. Seferovic fékk sendingu nokkrum metrum fyrir utan vítateig, tók eina snertingu og kom boltanum í kjölfarið framhjá Marc-Andre ter Stegen í marki Barclona.

Þá átti Seferovic einungis eftir að koma boltanum í netið en pikkaði boltanum framhjá. Seferovic var svekktur með sjálfan sig en Jorge Jesus, stjóri Benfica, langaði að komast ofan í jörðina - hann var svo svekktur.

Smelltu hér til að sjá færið.

Jesus var ekki búinn að jafna sig á þessu þegar hann mætti í viðtal eftir leik.

„Á 30 árum sem þjálfari hef ég aldrei séð neitt þessu líkt. En þetta gerðist, gerðist fyrir mig og fyrir Benfica," sagði Jesus sem var gífurlega ósáttur.

Benfica er í 3. sæti riðilsins og þarf að vinna gegn Dynamo Kiev í lokaumferðinni og treysta á að Barcelona sigri ekki Bayern Munchen í lokaumferð riðilsins.