Bayern München spilar í kvöld við Barcelona á Camp Nou í Meistaradeild kvenna.
Leikurinn hefst klukkan 17:45 en Glódís Perla Viggósdóttir, Karólína Lea Vilhjálmsdóttir og Cecilía Rán Rúnarsdóttir eru allar á mála hjá Bayern.
Leikurinn hefst klukkan 17:45 en Glódís Perla Viggósdóttir, Karólína Lea Vilhjálmsdóttir og Cecilía Rán Rúnarsdóttir eru allar á mála hjá Bayern.
Glódís og Cecilía eru í hópnum fyrir leik kvöldsins en Karólína er enn fjarri góðu gamni vegna meiðsla.
Bayern æfði á Nývangi í gær en um er að ræða einhvern stórkostlega leikvang í heimi. Þarna er pláss fyrir um 100 þúsund manns.
„Þetta var súrrealískt. Við erum tilbúnar í kvöldið," skrifaði landsliðsmarkvörðurinn Cecilía Rán við mynd á Instagram sem má sjá hér að neðan.
Það verður fróðlegt að fylgjast með leiknum en bæði þessi lið eru með sex stig eftir tvo leiki fyrir viðureignina í kvöld.
Athugasemdir