Newcastle United hefur síðustu vikur verið í viðræðum við Sevilla um kaup á Carlos.

Sevilla vildi fá 38 milljónir punda en Newcastle var ekki reiðubúið að greiða meir en 25 milljónir.

Fabrizio Romano, einn helsti sérfræðingurinn í félagaskiptum, segir frá því á samfélagsmiðlum að stjórn Sevilla hafi nú tekið þá ákvörðun að halda Carlos.

Sevilla hafnaði tveimur tilboðum frá Newcastle og er nú búið að loka viðræðum. Newcastle vill komast að lausn í þessu en Sevilla stendur fast á sínu og ljóst að Carlos verður hjá spænska félaginu út þetta tímabil.

Þetta er mikið högg fyrir Newcastle sem vill bæta við sig tveimur varnarmönnum áður en glugginn lokar.