Kári sem er fæddur árið 2004 flutti til Noregs með fjölskyldu sinni og hefur æft með liðinu síðan í ágúst í fyrra. Hann lék 14 leiki og skoraði eitt mark með Herði frá Ísafirði í 4. deildinni í sumar.

Hann æfir með u19 ára liðinu en hann sagði í samtali við BB.is að hann fái að vita fljótlega hvort hann fái samning hjá norska félaginu.

„Ég mun fá að vita á næstu vikum hvort ég fái samning eða ekki, þótt ég fái ekki samning hefur þetta verið frábær reynsla að fá að æfa með svona góðu liði. Þetta er frábær aðstaða hérna og þjálfararnir eru góðir," sagði Kári.