FC Bayern 1 - 0 Wolfsburg
1-0 Georgia Stanway ('83, víti)
Glódís Perla Viggósdóttir lék allan leikinn í hjarta varnarinnar hjá FC Bayern sem tók á móti Wolfsburg í titilbaráttuslag í þýska boltanum.
Wolfsburg var með tveggja stiga forystu á toppi deildarinnar fyrir viðureignina og því mikið undir fyrir bæði lið þegar þau mættu til leiks í dag.
Leikurinn var jafn og bragðdaufur en gestirnir frá Wolfsburg ákváðu að skipta Sveindísi Jane Jónsdóttur inn af bekknum á 59. mínútu til að hrista aðeins í sóknarleiknum.
Sú skipting leiddi ekki að sigurmarki fyrir Wolfsburg, í staðinn voru það Bæjarar sem fengu dæmda vítaspyrnu á lokakafla leiksins og steig enska landsliðskonan Georgia Stanway á punktinn. Henni brást ekki bogalistin og reyndist þetta sigurmark leiksins.
Dýrmætur 1-0 sigur Bayern staðreynd og eru Glódís og stöllur á toppi þýsku deildarinnar. Karólína Lea Vilhjálmsdóttir var ónotaður varamaður hjá Bayern, sem er með 43 stig eftir 16 umferðir.
Þýskaland
Bundesliga - konur
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Bayern W | 17 | 16 | 1 | 0 | 67 | 5 | +62 | 49 |
| 2 | Wolfsburg W | 16 | 12 | 2 | 2 | 52 | 22 | +30 | 38 |
| 3 | Bayer W | 18 | 10 | 1 | 7 | 29 | 27 | +2 | 31 |
| 4 | Eintracht Frankfurt W | 17 | 9 | 3 | 5 | 41 | 31 | +10 | 30 |
| 5 | Hoffenheim W | 17 | 9 | 2 | 6 | 32 | 23 | +9 | 29 |
| 6 | Werder W | 16 | 8 | 4 | 4 | 23 | 21 | +2 | 28 |
| 7 | Freiburg W | 18 | 8 | 3 | 7 | 32 | 28 | +4 | 27 |
| 8 | Koln W | 18 | 7 | 4 | 7 | 22 | 22 | 0 | 25 |
| 9 | RB Leipzig W | 18 | 6 | 2 | 10 | 28 | 36 | -8 | 20 |
| 10 | Union Berlin W | 18 | 5 | 4 | 9 | 26 | 35 | -9 | 19 |
| 11 | Nurnberg W | 18 | 4 | 4 | 10 | 21 | 46 | -25 | 16 |
| 12 | Hamburger W | 18 | 3 | 4 | 11 | 20 | 44 | -24 | 13 |
| 13 | Essen W | 18 | 2 | 5 | 11 | 14 | 39 | -25 | 11 |
| 14 | Carl Zeiss Jena W | 17 | 2 | 3 | 12 | 15 | 43 | -28 | 9 |
