Iniesta hefur verið í hlutverki varamanns á þessu tímabili.
Andrés Iniesta, fyrrum leikmaður Barcelona og spænska landsliðsins, mun yfirgefa Vissel Kobe í sumar eftir fimm ára veru hjá japanska félaginu.
Iniesta er 39 ára og mun spila sinn síðasta leik fyrir félagið þann 1. júlí, á miðju tímabili í J-deildinni.
Iniesta er 39 ára og mun spila sinn síðasta leik fyrir félagið þann 1. júlí, á miðju tímabili í J-deildinni.
Iniesta hefur aðeins komið við sögu í þremur leikjum á þessu tímabili, í öllum sem varamaður. Vissel er á toppi deildarinnar.
Iniesta, sem var 22 ár hjá Barcelona og vann 32 titla í 674 leikjum, segist ekki ætla að leggja skóna á hilluna í sumar þó hann kveðji japanska félagið.
„Ég hélt alltaf að ég myndi ljúka ferlinum hér í Japan en hlutirnir hafa ekki þróast eins og ég vildi. Síðustu mánuði hef ég æft gríðarlega vel til að fá stærra hlutverk í liðinu en mér finnst þjálfarinn vera með aðrar áherslur," segir Iniesta.
Athugasemdir
