Þróttur tvöfaldaði forystuna þegar tæpur hálftími var liðinn af leiknum. Linda Líf átti þá snyrtilega sendingu inn fyrir vörn ÍA og Lauren Wade náði til boltans og setti hann í netið. 2-0 í hálfleik.

Linda og Lauren voru aftur á ferðinni í síðari hálfleik. Linda fann þá Lauren í fætur rétt fyrir utan teig sem skoraði sitt áttunda mark í sumar.

Þróttur á toppi deildarinnar með fimmtán stig á meðan ÍA er í því þriðja með ellefu stig.

Smelltu hér til þess að lesa meira um leikinn.

FH sigraði Hafnarfjarðarslaginn
Haukar tóku á móti grönnum sínum í FH á Ásvöllum. Sannkallaður nágrannaslagur.

Haukar fengu vítaspyrnu á 24. mínútu eftir að leikmaður FH handlék knöttinn innan vítateigs. Sæunn Björnsdóttir fór á vítapunktinn en Aníta Dögg gerði sér lítið fyrir og varði spyrnuna.

FH-ingar komust yfir stuttu fyrir hálfleik þegar Selma Dögg skoraði mark úr miðjuhringnum eftir að hún sá hversu framarlega Chante var í markinu hjá Haukum. Ansi snyrtilegt mark en ekki gott hjá Chante.

Birta Georgsdóttir tvöfaldaði forystu FH á 68. mínútu eftir að hafa sloppið ein inn fyrir vörn Hauka. Einungis tveimur mínútum síðar náðu Haukar að minnka muninn þegar Elín Björg Símonardóttir skallaði boltann í netið eftir sendingu Sierre Marie.

Lengra komust Haukarnir ekki og 1-2 sigur FH staðreynd. FH situr í öðru sætinu eftir leiki kvöldsins en Haukar í því sjöunda.

Smelltu hér til þess að lesa meira um leikinn.

Þróttur R. 3 - 0 ÍA
1-0 Linda Líf Boama ('8 )
2-0 Lauren Wade ('28 )
3-0 Lauren Wade ('57 )

Haukar 1 - 2 FH
0-0 Sæunn Björnsdóttir ('24 , misnotað víti)
0-1 Selma Dögg Björgvinsdóttir ('42 )
0-2 Birta Georgsdóttir ('68 )
1-2 Elín Björg Símonardóttir ('70 )