Gunnlaugur Jónsson, þjálfari ÍA, var sáttur eftir sigur sinna manna gegn Blikum í Pepsi-deildinni í dag.

Gulli viðurkennir að heppni hafi spilað inn í sigur Skagamanna sem áttu slakan fyrri hálfleik.

Lestu um leikinn: ÍA 1 -  0 Breiðablik

„Leikurinn var kaflaskiptur. Við byrjuðum hræðilega fyrsta hálftímann og vorum ekki með í leiknum. Þeir fengu ansi góð færi sem ég held að þeir ættu að nýta en við náðum einhvern veginn að halda núllinu í hálfleik," sagði Gulli eftir leik.

„Mér fannst við flottir í seinni hálfleik, virkilega þéttir, fastir fyrir og skoruðum gott mark."

Skagamenn eru með 31 stig eftir sérstaklega góðan árangur í heimaleikjum og hrósaði Gulli Hafþóri Péturssyni í hástert fyrir frammistöðu sína í sínum fyrstu tveimur leikjum í efstu deild íslenska boltans.

„Hann var mjög flottur á móti Stjörnunni og átti þar skínandi leik. Var í smá brasi í fyrri hálfleik í dag en steig svo upp og var virkilega sterkur í síðari hálfleik. Oft á tíðum er eins og hann hafi mikla reynslu á bakinu."

Tweet

Senda a Facebook Hafdu samband Senda frétt Prenta frétt Frétta leit