Viktor og Jón Gísli fagna sigrinum.
Skagamenn fjölmenntu á Bullseye.
ÍA fagnaði sigri á pílumóti Fótbolta.net sem fram fór á Bullseye á laugardaginn. Alls tóku 27 lið þátt í mótinu.
Skagamenn tefldu fram sterkum pílurum í þeim Viktori Jónssyni og Jóni Gísla Eyland, en Þórsarar mættu með Sigurð Heiðar Höskuldsson og Inga Þór Hafdísarson í úrslitaleiknum. Þar höfðu Skagamenn betur með öruggum 3 0 sigri.
Í verðlaun hlaut ÍA Bose hátalara í klefann, auk þess sem Viktor og Jón Gísli tryggðu sér ferð á leik í enska boltanum í boði Njóttu ferða.
Alexander Tonini tók viðtal við sigurvegarana, fyrir hönd Fótbolta.net, að úrslitaviðureigninni lokinni.
Skagamenn tefldu fram sterkum pílurum í þeim Viktori Jónssyni og Jóni Gísla Eyland, en Þórsarar mættu með Sigurð Heiðar Höskuldsson og Inga Þór Hafdísarson í úrslitaleiknum. Þar höfðu Skagamenn betur með öruggum 3 0 sigri.
Í verðlaun hlaut ÍA Bose hátalara í klefann, auk þess sem Viktor og Jón Gísli tryggðu sér ferð á leik í enska boltanum í boði Njóttu ferða.
Alexander Tonini tók viðtal við sigurvegarana, fyrir hönd Fótbolta.net, að úrslitaviðureigninni lokinni.
Viktor Jónsson sýndi góða frammistöðu í úrslitaviðureigninni en hann var spurður hvort að hann dreymi töluna tuttugu á nóttunni.
„Nei, það er nú eina sem ég æfi mig í. En við getum ekki horft framhjá því sem Jón Gísli gerði alla keppnina, hann dró okkur alla leið í úrslit. Loksins datt ég í gang í úrslitaleiknum.“
„Við vorum í góðu jafnvægi og við vissum fyrir keppni að vinum vinna vel á móti hverum öðrum í mótinu,“ sagði Jón Gísli jafnframt.
Viktor segist vera spenntur fyrir komandi tímabili í Bestu deildinni.
„Við erum búnir að fá inn frábæra fótboltamenn og góða einstaklinga. Við erum spenntir og þetta lítur mjög vel út.“
Jón Gísli telur liðið staðráðið í að byrja betur en í fyrra: „Við erum með mjög gott lið og ég sé ekki fram á annað en við byrjum betur en í fyrra.“
Athugasemdir
