Chelsea verðmetur Jackson á 100 milljónir punda - Rashford efstur á óskalista Barcelona - Sancho til Juventus?
Gústi Gylfa: Eins og Þorgrímur Þráins sagði, varnarleikur vinnur leiki
„Örugglega það besta sem ég hef séð frá honum síðan ég kom"
Rúnar: Ætlum ekki að fara grenja yfir því að hafa tapað
Partí á Ísafirði í kvöld - „Vonandi sletta þeir aðeins úr klaufunum"
Alli Jói: Pabbi hringdi í mig og skammaði mig eftir leik
Fyrsta tap ÍR: „Helvíti gróft ef að eitt tap í tólf leikjum sitji þungt í mönnum"
Hemmi fékk góða afmælisgjöf: „Hún gat ekki verið betri"
Reynir Freyr: Gefur okkur mikið að fá Jón Daða
Gunnar Guðmunds: Við erum búnir að fá okkur alltof mörg mörk úr föstum leikatriðum
Árni Freyr: Andleysi leikmanna í hámarki
Jakob Gunnar spilaði sinn síðasta leik fyrir Þróttara: Vildi spila meira
Ingi Rafn: Fyrri hálfleikurinn skóp þennan sigur
Mark tekið af Keflavík vegna rangstöðu: „Bara óskiljanlegt"
Haraldur Hróðmars: Lífsnauðsynlegur sigur
Venni: Það gaf okkur blóð á tennurnar
Sandra María: Gáfum líkama og sál en það skilaði engu
Hlín kom frábær inn - Svekkt með hlutverkið sitt
Sveindís: Hann kemur samt þegar ekkert er undir
Glódís svekkt: Leyfðum henni að gera nákvæmlega það sem hún vill
Guðrún: Fæ gæsahúð í hvert skipti
   sun 26. mars 2023 13:01
Sæbjörn Þór Þórbergsson Steinke
Erfitt að kveðja FH - „Langar að vera partur af því"
Mættur í blátt.
Mættur í blátt.
Mynd: Stjarnan
 En svona er bara fótboltinn og lífið heldur áfram.
En svona er bara fótboltinn og lífið heldur áfram.
Mynd: Fótbolti.net - Hafliði Breiðfjörð
Staðan var orðin þannig að ég var farinn að spila minna, var í minna hlutverki.
Staðan var orðin þannig að ég var farinn að spila minna, var í minna hlutverki.
Mynd: Fótbolti.net - J.L.
„Ég fæ skilaboð að ég megi leita mér að nýju liði og mér leist svona helvíti vel á Stjörnuna," sagði Baldur Logi Guðlaugsson, nýjasti leikmaður Stjörnunnar, í viðtali í dag.

Á fimmtudag var greint frá því að Stjarnan hefði keypt Baldur af FH en rúmlega viku áður var fjallað um að hann mætti leita sér að nýju liði.

„Það heillar hvernig liðið spilar, heillar líka hvernig þjálfararnir sjá mig sem leikmann og hvernig ég gæti þróast hjá þeim. Það fannst mér mjög spennandi."

Baldur segir að fleiri félög hefðu komið til greina, önnur félög úr Bestu deildinni hefðu reynt að fá sig í sínar raðir.

„Ég held það sé algjörlega undir mér komið að vinna mér inn spilatíma, standa mig vel á æfingum og í þeim tækifærum sem ég fæ."

Margir ungir leikmenn eru að spila hjá Stjörnunni, sem dæmi fjórir leikmenn í U19 landsliðinu sem er að gera góða hluti á Englandi þessa dagana. „Ég held að ég muni smellpassa inní þetta. Ég er búinn að fara á eina æfingu og spila einn leik. Þetta virðast vera algjörir toppmenn og hafa tekið vel á móti mér."

„Það var skemmtilegt tilbreyting (að mæta á fystu æfinguna hjá Stjörnuna), auðvitað þurfti aðeins að venjast en ég er mjög spenntur fyrir þessu. Ég vissi hvar klefinn var, svo það var ekkert vesen. Mér líst hrikalega vel á sumarið, mjög spennandi. Mig langar að gera vel, Stjarnan var hrikalega flott í fyrra og strákarnir að spila spennandi fótbolta. Mig langar að vera partur af því og gera ennþá betur."


Hjá Stjörnunni er m.a. Guðmundur Kristjánsson sem Baldur var liðsfélagi hans hjá FH og þá er Andri Adolphsson mágur Baldurs. „Ég þekki nokkra menn í liðinu og þeir töluðu hrikalega vel um þetta. Ég heyrði ekkert nema jákvæða hluti."

Hann er 21 árs miðju/kantmaður sem hefur allan sinn feril verið í FH. Hann kom við sögu í sínum fyrsta leik árið 2017 en næsti keppnisleikur með meistaraflokki kom ekki fyrr en 2020, Baldur missti af tímabilinu 2019 vegna meiðsla sem spilar inn í.

Hann byrjaði einn leik sumarið 2020 en kom fimmtán sinnum inná í deildinni, hlutverkið stækkaði 2021 og endaði hann það tímabil sterkt, skoraði þrjú mörk og lagði upp fjögur í tíu síðustu leikjunum. Hlutverkið var minna á síðasta tímabili, byrjaði sjö leiki og kom inná í tíu. Í vetur spilaði hann svo lítið, einungis einn hálfleik í Lengjubikarnum sem var ákveðin vísbending fyrir Baldur.

Hvernig tók hann því þegar hann fékk að vita að hann mætti finna sér annað félag?

„Auðvitað er erfitt að kveðja FH, þar eru margir af mínum bestu vinum og maður þekkir allt fólkið. En svona er bara fótboltinn og lífið heldur áfram. Ég var ekki búinn að vera spila neitt rosalega mikið, var kannski ekki mikið sjokk. Svona er þetta bara."

„Staðan var orðin þannig að ég var farinn að spila minna, var í minna hlutverki. Það var bara spennandi að prófa eitthvað nýtt."


Ertu svekktur með síðustu ár hjá FH? „Það þýðir ekkert að vera of svekktur út í sjálfan sig eða einhvern annan. Maður þarf bara að halda áfram það er eina sem þýðir í þessu."

„Það verður bara gaman að snúa aftur á Kaplakrikavöll í sumar. Það er gott fólk í Krikanum og það verðru bara skemmtilegt,"
sagði leikmaðurinn að lokum.

Viðtalið í heild sinni má sjá í spilaranum að ofan. Fyrsti leikur Stjörnunnar á komandi tímabili er gegn Víkingi á Samsungvellinum þann 10. apríl.
Athugasemdir
banner