Heimild: BBC
Troy Deeney, sérfræðingur BBC, velur lið umferðarinnar í ensku úrvalsdeildinni. Arsenal, Tottenham og Liverpool eru þau þrjú lið sem eru með fullt hús stiga að loknum tveimur umferðum.
Markvörður: Jordan Pickford (Everton) - Everton vann Brighton 2-0 í sínum fyrsta heimaleik á nýja vellinum í ensku úrvalsdeildinni. Enski landsliðsmarkvörðurinn varði víti í leiknum.
Varnarmaður: Michael Kayode (Brentford) - Hrikalega öflugur og hjálpaði Brentford að vinna sinn fyrsta sigur, 1-0 gegn Aston Villa.
Varnarmaður: Micky van de Ven (Tottenham) - Átti gríðarlega góðan leik og varðist frábærlega í 2-0 útisigri Spurs gegn Manchester City.
Varnarmaður: Hjalmar Ekdal (Burnley) - Svíinn skallaði alla bolta í burtu og var gríðarlega traustur í 2-0 sigri gegn Sunderland í nýliðaslag.
Varnarmaður: Jurrien Timber (Arsenal) - Bakvörðurinn skoraði tvö mörk í 5-0 sigri Arsenal gegn Leeds.
Miðjumaður: Bruno Guimaraes (Newcastle) - Newcastle tapaði á dramatískan hátt fyrir Liverpool en Bruno Guimaraes var gjörsamlega geggjaður á miðjunni. Skoraði markið sem kom sínu liði eftir leikinn og stýrði umferðinni.
Miðjumaður: Enzo Fernandez (Chelsea) - Alvöru fyrirliðaframmistaða. Var meðal markaskorara þegar Chelsea slátraði West Ham 5-1.
Miðjumaður: Jack Grealish (Everton) - Algjörlega mergjaður og skilaði tveimur stoðsendingum. Naut sín á vellinum.
Sóknarmaður: Brennan Johnson (Tottenham) - Átti algjörlega frábæran leik gegn City. Skoraði fyrra mark Spurs.
Sóknarmaður: Joao Pedro (Chelsea) - Mark og tvær stoðsendingar gegn slöku liði West Ham.
Sóknarmaður: Viktor Gyökeres (Arsenal) - Kom inn með mikla pressu á öxlunum eftir fyrstu umferðina en hann létti á henni með marki gegn Leeds. Hann var ekki stórkostlegur í leiknum en skoraði gríðarlega mikilvægt mark fyrir sig persónulega.
Stjórinn: Thomas Frank (Tottenham) - Hefur sýnt taktíska snilli sína og farið gríðarlega vel af stað hjá Tottenham.
Athugasemdir
