Dortmund hefur byrjað tímabilið vel undir stjórn króatíska þjálfarans Niko Kovac.

Það gerði jafntefli gegn St. Pauli í fyrstu umferðinni, en unnið alla leiki síðan og varð engin breyting á því eftir þessa umferð.

Sænski leikmaðurinn Daniel Svensson skoraði fyrra mark Dortmund á 27. mínútu og bætti Karim Adeyemi við öðru á 40. mínútu, en Julian Brandt var arkitektinn að báðum mörkunum.

Cole Campbell, sem hefur reglulega verið valinn í hópinn hjá Dortmund, var ekki með í dag.

Dortmund er í öðru sæti deildarinnar með 13 stig, tveimur stigum frá toppliði Bayern.

Belgíski vængmaðurinn Johan Bakayoko var hetja RB Leipzig í 1-0 sigrinum á Wolfsburg. Hann kom til Leipzig frá PSV í sumar, en það var annar fyrrum leikmaður hollensku úrvalsdeildarinnar sem tryggði þrjú stig í dag.

Það gerði einnig Ernest Poku fyrir Bayer Leverkusen í 2-1 sigri á St. Pauli. Edmond Tapsoba skoraði af stuttu færi eftir aukaspyrnu Alex Grimaldo og gerði Poku annað markið aftur eftir stoðsendingu Grimaldo.

Annar sigur Leverkusen sem er með átta stig í 4. sæti deildarinnar.

Mainz 0 - 2 Borussia D.
0-1 Daniel Svensson ('27 )
0-2 Karim Adeyemi ('40 )
Rautt spjald: Robin Zentner, Mainz ('67)

Wolfsburg 0 - 1 RB Leipzig
0-1 Johan Bakayoko ('8 )
0-1 Christoph Baumgartner ('90 , Misnotað víti)

Heidenheim 2 - 1 Augsburg
1-0 Mikkel Kaufmann ('47 )
2-0 Sirlord Conteh ('54 )
2-1 Phillip Tietz ('90 )

St. Pauli 1 - 2 Bayer
0-1 Edmond Tapsoba ('25 )
1-1 Hauke Wahl ('32 )
1-2 Ernest Poku ('58 )