Nýr þjálfari liðsins er Florian Kohfeldt. Hann skrifar undir samning sem gildir út næsta tímabil.

Hollenski þjálfarinn Van Bommel var rekinn frá Wolfsburg síðasta sunnudag. Van Bommel, sem átti frábæran knattspyrnuferil, tók við Wolfsburg síðasta sumar og gerði tveggja ára samning við félagið.

Liðið byrjaði með stæl og vann fyrstu fjóra leiki sína í deildinni og virtist framhaldið lofa góðu. Wolfsburg gerði jafntefli í fimmta leiknum og hefur svo tapað síðustu fjórum leikjum sínum. Við það missti Hollendingurinn starfið.

Kohfeldt er 39 ára gamall og stýrði síðast Werder Bremen. Hann var rekinn þaðan undir lok síðasta tímabils, en er núna kominn með nýtt starf. Þetta er hans annað starf sem aðalþjálfari aðalliðs.