Chelsea og Manchester United gerðu 0-0 jafntefli í toppbaráttuslag í ensku úrvalsdeildinni í dag. Leikurinn var ekki mikið fyrir augað og fá færi litu dagsins ljós.
Stærsta atvikið í leiknum var þegar Stuart Atwell ákvað að dæma ekki vítaspyrnu þegar boltinn fór í hönd Callum Hudson-Odoi inn á vítateig Chelsea.
Stærsta atvikið í leiknum var þegar Stuart Atwell ákvað að dæma ekki vítaspyrnu þegar boltinn fór í hönd Callum Hudson-Odoi inn á vítateig Chelsea.
Þetta var í annað sinn á tímabilinu sem liðin mætast og enduðu báðir leikirnir 0-0. Manchester United hefur núna ekki skorað gegn stóru sex liðunum síðan liðið komst yfir gegn Tottenham í frægu 1-6 tapi í október.
Síðan hefur liði mætt einu af topp sex risaliðunum sex sinnum í deildinni. Fimm leikir hafa endað með markalausu jafntefli og Arsenal vann einu sinni 1-0 gegn United. Liðið tapaði þá einnig fyrir Manchester City, 0-2 í deildabikarnum.
„180 mínútur hjá þessum fornfrægu liðum í vetur án marks gegn hvoru öðru. Rosalegt gæðaleysi í báðum liðum," skrifaði Kristján Óli Sigurðsson á Twitter eftir leik.
Athugasemdir