Ítalía um helgina - Stórleikur í Napólí

Feneyingar eru búnir að gera fjögur jafntefli í röð og sitja sem fastast í fallsæti, fimm stigum frá öruggu sæti í deildinni. Þeir mæta andstæðingum sem hafa verið í fantaformi og eru með fjóra sigra í röð í baráttunni um Meistaradeildarsæti. Þessi slagur fer fram á sama tíma og Como, sem hefur verið að spila vel undir stjórn Cesc Fábregas, tekur á móti Empoli í fallbaráttunni.

Juventus á svo heimaleik gegn Genoa áður en Roma heimsækir Lecce í síðasta leik laugardagsins.

Albert Guðmundsson og félagar í liði Fiorentina mæta til leiks rétt efitr hádegi á sunnudaginn. Þeir eiga erfiðan heimaleik gegn Atalanta áður en topplið og ríkjandi Ítalíumeistarar Inter fá Udinese í heimsókn.

Napoli og Milan kljást í stórleik helgarinnar sem fer fram á sunnudagskvöldið en bæði lið þurfa á sigrum að halda, Milan í Evrópubaráttunni og Napoli í titilbaráttunni.

Verona og Lazio eiga að lokum heimaleiki gegn Parma og Torino á mánudag.

Laugardagur
14:00 Como - Empoli
14:00 Venezia - Bologna
17:00 Juventus - Genoa
19:45 Lecce - Roma

Sunnudagur
10:30 Cagliari - Monza
13:00 Fiorentina - Atalanta
16:00 Inter - Udinese
18:45 Napoli - Milan

Mánudagur
16:30 Verona - Parma
18:45 Lazio - Torino