Hörður Ingi Gunnarsson leikmaður FH hefur leikið sinn síðasta leik á tímabilinu en þetta tilkynnti hann á Instagram síðu sinni í gær.
Hörður Ingi gekk til liðs við FH frá Sogndal rétt fyrir tímabilið og kom við sögu í sex af átta leikjum liðsins og skoraði eitt mark.
Hann meiddist á öxl í leik gegn Keflavík þann 8. maí.
„Nú tekur við langt og krefjandi verkefni að koma sér aftur til baka og kemur ekkert annað til greina en að styðja vel við bakið á liðinu í sumar," skrifar Hörður á Instagram síðu sína.
Hörður gekk til liðs við Sogndal frá FH í byrjun síðasta árs þar sem hann lék 26 leiki og skoraði 2 mörk í deild og bikar í Noregi á síðustu leiktíð.
Athugasemdir
