Mikel Arteta, stjóri Arsenal, var vonsvikinn eftir tapið gegn Liverpool á Anfield í kvöld.
Arsenal komst yfir í leiknum en Liverpool svaraði með þremur mörkum og vann leikinn sanngjart. Arsenal fékk þó nokkur færi til þess að jafna leikinn en allt kom fyrir ekki.
„Við vorum lengi inni í leiknum. Raunin er sú að þeir eru of sterkir fyrir okkur í ákveðnum hlutum leiksins," sagði Arteta.
„Ég er sáttur með hvernig við lögðum okkur fram og höfðum trú. Við erum á öðruvísi vegferð en þeir. Þeir hafa verið saman í fimm ár en við í nokkra mánuði."
„Þeir jöfnuðu leikinn of snemma og það voru stór mistök frá okkur. Við áttum líklega bestu færi leiksins en þú verður að nýta þessi færi. Við eigum langt í land með ákveðna hluti."
Athugasemdir