Fotbolti.net
28.09.20 - 20:52
Aksentije Milisic

England: Jota skoraði í sigri Liverpool á Arsenal

Diogo Jota skoraði í kvöld.

Diogo Jota skoraði í kvöld.

Canon

Mynd: Getty Images

Liverpool 3 - 1 Arsenal
0-1 Alexandre Lacazette ('25 )
1-1 Sadio Mane ('28 )
2-1 Andrew Robertson ('34 )
3-1 Diogo Jota ('88 )
Stórleikur umferðarinnar í ensku úrvalsdeildinni fór fram í kvöld þegar Liverpool fékk Arsenal í heimsókn á Anfield.

Liverpool byrjaði leikinn betur og sótti mikið og fékk nokkur færi en tókst ekki að koma knettinum í netið. Það var því gegn gangi leiksins þegar Alexandre Lacazette kom gestunum yfir á 25. mínútu. Hann nýtti sér þá mistök Andy Robertson og náði að skora framhjá Allison í marki Liverpool.

Liverpool var ekki lengi að svara og einungis þremur mínútum síðar var Sadio Mane búinn að jafna leikinn. Mohamed Salah átti þá skot sem Bernd Leno varði til hliðar en þar var Mane mættur og kom knettinum yfir línuna.

Sjö mínútum eftir mark Mane komst Liverpool yfir. Trent Alexander-Arnold átti þá sendingu á hinn bakvörð liðsins, Robertson, sem var mættur inn í teiginn og skoraði. Staðan 2-1 í hálfleik.

Síðari hálfleikurinn var fjörugur og Alexander Lacazette fékk tvö dauðafæri fyrir gestina en Alisson varði í bæði skiptin frá honum. Liverpool fékk líka sín færi en Sadio Mane og Diogo Jota, sem kom inn á sem varamaður, fengu báðir góð færi.

Það var síðan Jota sem tókst að skora í sínum fyrsta leik fyrir Liverpool. Hann fékk þá boltann á vítateigslínunni, tók á móti honum með lærinu og skaut góðu skoti í hornið, óverjandi fyrir Leno.

Meira var ekki skorað á Anfield í kvöld og góður sigur Liverpool staðreynd. Liverpool er með fullt hús stiga eftir þrjár umferðir en Arsenal er með sex stig.

England: Jota skoraði í sigri Liverpool á Arsenal
Canon

Mynd: Getty Images

Premier league - karlar

#LiðLmunStig
1Arsenal11+1028
2Brighton11+1722
3Man City11+822
4Liverpool11+721
5Bournemouth11+418
6Leeds11+517
7Everton10+216
8Chelsea11016
9Tottenham11+115
10Brentford10+514
11Hull City11+214
12Aston Villa11-314
13Newcastle11-313
14Coventry11-812
15Fulham11-211
16Ipswich Town11-711
17Nott. Forest11-69
18Sunderland11-99
19Man Utd11-88
20Crystal Palace11-157
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.