Peter Crouch, fyrrum framherji Tottenham, telur að liðið eigi möguleika á að vinna ensku úrvalsdeildina á þessu tímabili. Harry Kane og Heung-Min Son hafa verið í miklu stuði í byrjun tímabils en Tottenham er í 5. sæti, tveimur stigum frá toppnum.

„Þetta er klikkuð deild og það virðist vera þannig að allir geti unnið alla í augnablikinu. City og Liverpool eru ekki eins sterk og þau voru á meðan önnur lið hafa orðið sterkari," sagði Crouch.

„Þetta er pottþétt eitthvað sem tengist því að áhorfendur eru ekki á vellinum og það býr til skrýtin úrslit og mikið af mörkum."

„Deildarmeistaratitillinn er á lausu. Getur Tottenham unnið? Ég er ekki viss en þeir eiga samt jafn góða möguleika og margir aðrir."

„City og Liverpool eru samt sigurstranglegust þar sem þau hafa verið sterkustu liðin undanfarin þrjú ár."

STUÐNINGSSVEIT
FÓTBOLTA.NET

Tryggjum framtíð Fótbolta.net

Fótbolti.net er eini stóri fjölmiðillinn á Íslandi sem nýtur ekki ríkisstyrkja.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit