Ugarte spilar fyrir Manchester United.
La Gazzetta dello Sport, bleika blaðið, segir að umboðsmaður Manuel Ugarte sé að reyna að koma miðjumanninum til Ítalíu.
Stjörnuumboðsmaðurinn Jorge Mendes sér um málefni Ugarte og ku hafa rætt bæði við Juventus og AC Milan.
Stjörnuumboðsmaðurinn Jorge Mendes sér um málefni Ugarte og ku hafa rætt bæði við Juventus og AC Milan.
Ugarte, 25 ára, hefur ekki fengið mikinn spiltíma á Old Trafford á þessu tímabili og samtals leikið innan við þúsund mínútur fyrir Manchester United.
Manchester United er sagt hafa áhuga á Rafael Leao, leikmanni AC Milan, og því velt upp í Gazzettunni hvort félagið gæti boðið Ugarte sem hluta af tilboði í portúgalska landsliðsmanninn.
Í forgangi hjá Juventus er að landa Bernardo Silva sem verður samningslaus hjá Manchester City í sumar og mun þá yfirgefa þá ljósbláu.
