Það hefur aldrei gerst áður að íslenskt félagslið hafi komist alla leið í riðlakeppni í Evrópukeppni karla.
Núna eiga tvö íslensk lið þann möguleika að skrifa söguna; Breiðablik og Víkingur eru komin alla leið í þriðju umferð í forkeppni Sambandsdeildarinnar.
Breiðablik mætir Istanbul Basaksehir frá Tyrklandi og Víkingur spilar við Lech Poznan frá Póllandi.
Þetta verða svo sannarlega erfið verkefni en það er allt hægt í fótbolta.
Ef Breiðablik eða Víkingur kemst áfram, eða þau bæði, þá þurfa þau að fara í gegnum eina umferð í viðbót til þess að komast í riðlakeppnina. Það er þessi þriðja umferð og svo umspil um sæti í riðlakeppninni. Liðin þurfa því að fara í gegnum tvö einvígi í viðbót til þess að skrifa söguna.
Næstu leikir liðanna í Sambandsdeildinni verða hér heima þann 4. ágúst næstkomandi.
Sjá einnig:
Özil fer á Kópavogsvöll, ekki Laugardalsvöll, ef hann mætir til landsins
Athugasemdir