Úr færslunni: „Kvennalið Augnabliks er venslalið Breiðabliks sem er skipað ungum leikmönnum sem flestar eru á 2. og 3.flokks aldri. Gaman er að geta þess að meðalaldur byrjunarliðs Augnabliks í sumar var í kringum 17 ár sem er mjög ungt lið samanborið við önnur í meistaraflokki á Íslandi. Liðið hefur leikið í Lengjudeildinni undanfarin tvö ár með góðum árangri og endaði árið 2020 í 5. sæti."

„Bára er uppalin Skagakona og lék stærstan hluta ferilsins með ÍA en lék einnig með Val um nokkurt skeið. Hún lék 4 leiki með U-16 ára landsliði Íslands en þurfti að hætta ung knattspyrnuiðkun vegna meiðsla."

Fyrr í dag greindi Vilhjálmur Kári Haraldsson frá því að hann væri að hættur í þjálfun. Hann hefur þjálfað lið Augnabliks undanfarin tvö ár.

„Fyrir 25 árum byrjaði ég að þjálfa 7.fl Breiðabliks. Hef ákveðið að segja þetta gott í þjálfun. Þakklátur fyrir tækifæri til að þróa ungt knattspyrnufólk," sagði Vilhjálmur á Twitter.