Topparnir sáu fram á óvissutíma vegna veirunnar og Liverpool er einungis tveimur sigrum frá því að tryggja titilinn. Uppleggið var samkvæmt leyniáætlunin að krýna Liverpool meistara í fyrsta sinn laugardaginn 21. mars sem hefði verið fyrsti meistaratitilinn í 30 ár.

Titilinn hefði verið kominn í hús með sigrum gegn Everton og Crystal Palace. Samkomulag hafði ekki náðst en viðræður áttu sér stað svo að stuðningsmenn gætu fagnað með liðinu á Anfield.

Það er óheyrt að titli sé fagnað svona snemma á árinu en úrvalsdeildin var tilbúin í að gera undantekningu vegna stöðunnar í heiminum en áður en það gat gerst var lokað á nær allan fótbolta í heiminum.

Samkvæmt grein Cross kemur það ekki til greina að núlla út þetta tímabil en næsti fundur félaganna verður á föstudag. Miklar líkur eru á því að mótið fari af stað fyrir luktum dyrum þegar hægt verður að byrja upp á nýtt.